الجمعة، 25 نوفمبر 2016

بلاك ايجبت



البلاك فراي داي او الوايت فراي داي زي ما احنا غيرناه (لازم نحط التاتش بتاعنا) عشان حرام طبعا !
بينزل خصومات علي سلع كتير 
نعرف بدايته واتسمي كدا ليه
" إرتبط ذلك مع الأزمة المالية عام 1869 في الولايات المتحدة والذي شكل ضربة كبرى للإقتصاد الأمريكي، حيث كسدت البضائع وتوقفت حركات البيع والشراء مما سبب كارثة إقتصادية في أمريكا، تعافت منها عن طريق عدة إجراءات منها اجراء تخفيضات كبرى على السلع والمنتجات لبيعها بدل من كسادها وتقليل الخسائر قدر المستطاع ومن ذلك اليوم أصبح تقليد في أمريكا تقوم كبرى المتاجر والمحال والوكالات بإجراء تخفيضات كبرى على منتجاتها تصل إلى 90% من قيمتها لتعاود بعد ذلك الى سعرها الطبيعي بعد انقضاء الجمعة السوداء أو الشهر الخاص في هذا اليوم.
أما وصف هذا اليوم باللون الأسود فهو ليس ناتج عن الكراهية أو التشاؤم، وقد أعطيت هذه التسمية أول مرة في عام 1960 من قبل شرطة مدينة فيلاديلفيا التي أعطت هذا المسمى، حيث كانت تظهر إختناقات مرورية كبيرة وتجمهر وطوابير طويلة أمام المحلات خلال هذا اليوم المعروف بالتسوق فوصفت إدارة شرطة مدينة فيلاديلفيا ذلك اليوم بالجمعة السوداء لوصف تلك الفوضى والإزدحامات في حركة المرور من مشاة وسيارات، يشاع أيضاً أن له مدلول يدل في التجارة والمُحاسبة، حيث يدل على الربح والتخلص من الموجود في المستودعات، بينما يعبر اللون الأحمر على الخسارة والعجز أو تكدس البضاعة وكساد العمل"
الكلام دا طبعا  مقتبسه من ويكيبيديا  مش لازم ارجع اصيغه تاني (كبر مخك ياجدع)
في مصر طبعا الموضوع صيته مسمعش عندنا الا من كام سنه بس الغريب السنه دي انه خد اكتر من حجمه زياده عن اي دوله
فظهرت صور وفيديوهات لجحافل من الناس بتهجم علي المولات والمحلات اللي عامله خصومات
وطبعا في مصر بنظهر ابداعتنا في التنظير 
زي "هي دي الناس اللي بيقولو العدس زاد سعره ولا مش لاقيين ناكل"




طبعا انا كمصري لازم اخد دور في التنظير دا (هي جت عليا)
الناس اللي انتو شايفنهم دول مش دليل ابدا علي اننا شعب معاه فلوس
ابسوليوتلي 
دول الطبقه المتوسطه اللي عايزه تعيش في نفس الليفل اللي هما عايشين فيه والفلوس دي جايبنها بطلوع الروح من فلوس غربه او مشروع
فبينتهزو فرص كتير زي دي عشان يلبسو نفس اللبس ويشيلو نفس الموبيلات في ظل ارتفاع اسعار السلع الضعف مع زياده الدولار واللي هتفضل تزيد يوم عن التاني 
الطبقه المتوسطه دي معاها فلوس كل يوم قيمتها بتقل 
وتيجي هنا فتره المصالح كله لازم يستغل كله
التجار ينزلو بخصومات والناس تشتري بداعي ان الفلوس دي بعدين مش هيبقي ليها لازمه زي ما شفنا النهارده
البنوك بدأت ترفع قيمه الفوائد عشان الناس تجري تحط فلوسها اللي برضه قيمتها مهما زادت قيمه الفايده لدرجه ان سعر الدولار في البنوك ارتفع عن السوق السودا !! (لك ان تتخيل)
الحكومه بقت تنزل اراضي وشقق والناس بتجري تحافظ علي فلوسها علي هيئه اصول  
الطبقه دي بعد فتره هتبدا تختفي ولو حصل في يوم هيكون البلاك داي فعلا .
الناس دي مش معاها فلوس
الناس دي خايفه !!
مرسلة بواسطة في ليست هناك تعليقات:

الثلاثاء، 18 أكتوبر 2016

صوتك مليون كمنجة بيعزفو 🎻

الكمان


يعتبر الكمان اصغر فرد في عائله الوتريات
التي تتألف من :
الكمان Violin    , الفيولا Viola     ,التشيلو Cello     ,الكونترباصDouble bass
 ويعتبر الكمان واحد من أهمّ وأبرز الآلآت الموسيقيّة التي انتشرت بشكل كبير، وتحديداً عندما بدأ الموسيقيون باستخدام ما يعرف بالموسيقا الكلاسيكيّة، ويسمّى صوتها أحنْ الأصوات الموسيقيّة، وتصنف ضمن مجموعة الآلآت الموسيقيّة الوتريّة ذات القوس الواحد، وتتصدّر الصدارة من ناحية الاستخدام والتفضيل مقارنةً بالآلات الوتريّة الأخرى، على الرغم من وجود تزاحم بينها وبين الآلات أخرى كالبيانو مثلاً، إلّا أنّ لها مكانتها المرموقة والمميّزة. 
من الرباب إلى الكمان
 لقد تمّ اشتقاق الكمان من آلة عربية قديمة كانت تعرف بالربابة، والتي وصلت إلى الدولة الغربية والقارة الأوروبية من خلال القسطنطينة ثمّ الأندلس إضافةً لصقلية، ومن هنا بدأ انتشارها والتطوير عليها حتّى أخذت شكلها الحالي، وأهمّ التقنيات التي مرّت فيها تتضمّن وضعيّة الأقواس وشكلها الخارجي، إضافةً إلى التعديل على عدد الأوتار والفتحات الموجودة عليها، وآخر تحديث عليها كان في القرن السادس عشر للميلاد في إيطاليا وتحديداً الشماليّة. 
مكانة الكمان وأهميته 
يعتبر من أقوى الآلآت الوتريّة في التعبير عن المشاعر والأحاسيس وأبرزها ما يتعلّق بالغضب واليأس؛ نتيجةً لقوة التقنيات التي يمكن استخدامها في العزف ومدى قدرتها في التعبير عن النفس، وهذا بدوره يمنحه قوّة خارقة في التعبير، وقد بدأ يلاقي قبولاً من قبل الجمهور والشعوب بعد أن قام الموسيقار العالمي الإيطالي بالعزف عليه في كبرى دور العرض والمسرح. بدأت المقطوعات الموسيقية المخصصة للعزف على الكمان بالانتشار؛ فأصبح يمتلك حالياً رصيداً كبيراً من هذه المؤلفات الخالدة، ومن أبرز الموسيقين الذين ألفوا لها بيتهوفن وباخ إضافةً إلى باغانيني وموزار، ويعتبر العازف أنطوان الشوّا الذي يلقب بسلطان الكمان أوّل من أدخله إلى الموسيقا العربيّة، وكان ذلك في نهايات القرن التاسع عشر للميلاد، وحاليّاً يعتبر آلة أساسية في الفرق العربيّة العريقة، علماً بانّ هناك العديد من المؤلفين الموسيقيين هم بالأصل عازفي كمان مثل توفيق الباشا ومارسيل خليفة.
 صناعة الكمان 
الذي يتحكم في جودة الكمان هي المادة التي تستخدم في تصنيعه؛ لأنّه كلما كثر استعمالها كلما أصبح الخشب المكون لها أكثر مرونة، وبالتالي تصبح الأصوات الصادرة عنها أرق وأعلى وأجمل على العكس تماماً من البيانو، وهنا يصبح ثمنها أغلى، وبشكل عام تتم صناعتها من خشب أشجار الصنوبر بحيث يتمّ تخزينه لفترة من الزمن حتى يجف كلياً، بحيث لا تؤثّر عليه مستقبلاً العوامل والظروف البيئية المختلفة من حرارة وبرودة أو حتى جفاف ورطوبة.

 ميزات الكمان 
من أكثر ما يميز آلة الكمان عن بقية الآلات الموسيقية الأخرى، هو مقدرتها على تجسيد وترجمة ومحاكاة المشاعر والتعابير الإنسانية، من الهدوء، للغضب، للعصبية، واليأس، وغيرها من الانفعالات الوجدانية الأخرى، وهذا يعود لتعدّد التقنيات المتبعة في العزف عليه، كما تمتاز أنّها حصلت على رواجٍ كبيرٍ في كافة الدول، وكافة الثقافات الموسيقية على مستوى العالم، حتى أن آلة الكمان وعائلة الكمان يبلغ عددها في الاوركسترا أكثر من ضعف الآلات الموسيقية الاخرى، وقد كان من أهمّ رواد هذه الآلة الموسيقار العالمي بيتهوفن، موزارت، باغانيني. 
أجزاء الكمان
 القوقعة: تقع أعلا الكمان، فوق مشط الأوتار. الأوتار: عددها أربعة، مصنوعةٌ في أغلب الأحيان من خليطٍ من المواد المعدنية التالية: الألمنيوم، والحديد، والذهب. الرقبة: هي القطعة الخشبية التي تحمل الأوتار. لوحة الأصابع: هو المسطح الأسود الملس، يلصق على عنق الكمان تحت الأوتار. جسم الآلة: هو الصندوق المصوت، أي الصندوق الخشبي الذي يقوم بتضخيم الصوت، ويعتبر أكبر جزء في الكمان. الحفر على شكل حرف إف بالانجليزية: وتحفر في جسم الآلة لتقوم بإخراج اهتزازات الصوت التي تدخل جسم الآلة. المشط: هو القطعة التي تربط فيه نهاية الأوتار، وتكون قريبةً الى ذقن العازف. راحة الذقن: هي القطعة الاضافية التي يضع العازف ذقنه عليها لتمكنه من التحكم بالآلة ومسكها بشكلٍ أفضل. القوس: هو مصنوعٌ من شعر الخيول. مفاتيح التحكم: هي المفاتيح التي توجد في القوقعة، ومهمتها ضبط طول وقصر الوتر لضبط الصوت بشكله الصحيح. 
كيفية العزف على الكمان 
هنالك أربعة طرقٍ يمكنك اتباعها لتتعلم كيفية العزف على الكمان، وسنتحدث عن كل طريقةٍ باختصار: الطريقة الاولى: التعلم الذاتي: وهي الطريقة التي تقوم على المحاولة الذاتية لاستخراج الأصوات من الآلة، ومحاولة اكتشاف مواقع النغمات، ودرجات الصوت بالممارسة الشخصية، ويمكننا اعتماد هذه الطريقة كخطوةٍ أولى في تعلم العزف على آلة الكمان. الطريقة الثانية: التعلم عن طريق الكتاب: يمكنك البحث في بعض المكتبات عن الكتب والمنشورات الخاصة بتعليم العزف على الكمان، ويمكننا اعتبار هذه الطريقة هي الخطوة النظرية في تعلم العزف على الكمان، ولا يمكن اعتمادها بشكلٍ نهائيٍّ بيد ان التطبيق العملي أهم بكثير من القراءة النظرية. الطريقة الثالثة: التعلم عن طريق مقاطع اليوتيوب: لا شكّ أنّ الكثير من الذين يقومون بالعزف على الآلات الموسيقية الآن بشكل جيّد، هم بالأساس أشخاص اعتمدوا على المقاطع المتخصصة في اليوتيوب والمختصة بتعليم العزف على الآلات الموسيقية العديدة، مع العلم أنّنا لا يمكن ان نعتمد كافة المقاطع المنشورة كأساسٍ في التعلم، بيد ان العديد من الفيديوهات المنشورة لا تعطي الطريقة الصحيحة والسلسة في التعليم. الطريقة الرابعة: التعلم عن طريق المعاهد المتخصّصة: لا شكّ أنّ هذه الطريقة هي الأنجح على الإطلاق، بيد أنّها تعتمد على الأسلوب النظريّ والعمليّ، والأسس الأكاديميّة الصحيحة في تعليم العزف على الكمان
مرسلة بواسطة في ليست هناك تعليقات:

الثلاثاء، 17 مايو 2016

هجرتي من القاهرة لدهب

أنا اسمى جنة عادل. عندى ٢٨ سنة، وباشتغل دكتورة أسنان، والنهاردة يبقى عدى ٥ شهور و٤ أيام على أحسن حاجة عملتها فى حياتي: إنى أسيب القاهرة وأروح أعيش فى دهب بشكل نهائى.
أول مرة آجى دهب كان من سنة وتلات شهور تقريبا، وكان لمدة ٣ أيام بس، وزى أى حد بـييجى دهب لأول مرة، فكرة الاستقرار هنا زقزقت فى دماغى، ونظرًا لأن حياتى كلها فى القاهرة، شغلى وأصحابى والشخص اللى بحبه، قررنا أنا وهو إنها تبقى خطة التقاعد بتاعتنا، حاجة كده نعملها بعد ١٠-١٥ سنة بالكتير. نيجى نعيش هنا ونربي لنا معزتين وننسى الماضى اللى يغيظ، خصوصا إن دهب مدينة عظيمة، محندقة وهادية، أسعارها رخيصة جدا مقارنة بالقاهرة (وبالأسعار دى أقصد أسعار أكتر حاجتين بـيستهلكوا فلوس فى القاهرة: السكن، والانتقالات)، وطبعا طبعا والأهم من ده كل إن فيها بحر!


"كل ده كان ليه"

ولأن فى قرارات عمرنا ما بناخدها إلا لما الحياة تشيل من وشنا كل البدايل الممكنة، كان لازم أخسر كل حاجة فى القاهرة فجأة علشان أكتشف إنى ممكن آجى هنا. بعد رجوعى من دهب بكام شهر الدنيا اتطربقت تماما: سبت شغلى، ما عرفتش ألاقى بدايل، انفصلت عن اللى بحبه، وما بقيتش عارفة حتى أدفع إيجار شقتى. ودخلت فى دوامة ما لهاش آخر من السلف. لحد ما قررت أسيب القاهرة وأروح فى رحلة للبحث عن الذات والحاجات فى سيناء الحبيبة. وكـشخص مفلس تماما وما عندوش حاجة يخسرها، كانت أنسب حاجة أعملها هى التطوع فى كامب. وبعد شوية كركبة لا يتسع المجال لذكرها، استقريت فى كامب هناك وقضيت فية شهرين ونص تقريبا، بعمل شغل بسيط جدا مقابل أكلى وإقامتي: أرعى الغنم وأسقى النخل.


"وإياك تـتجنن وتعود"

خلال الفترة دى أخدت قرار إنى مش هرجع القاهرة تانى. اللى اتعود يصحى على صوت البحر مش هـ يعرف يصحى على صوت الكلاكسات. واللى اتعود يعيش مع ناس فى حالها جدا ويمشى فى شوارع أمان مش هـ يعرف يمشى فى شوارع القاهرة المتوحشة. وبناء عليه، ابتديت رحلة التدوير على شغل يخلينى أعرف أستقر فى سيناء بـشكل نهائى. وقتها كانت كل الفرص مطروحة، سواء نويبع أو طابا أو دهب، زى ما تيجى. وبدأت أدور أونلاين ومن خلال دايرة المعارف الجديدة اللى اتكونت فى سيناء، ومساعدات الأصدقاء فى القاهرة طبعًا.

"اتقدم تارارارا"

أول مشكلة كانت إن معظم الشغل فى المدن دى معتمد بـشكل رئيسى على السياحة، وزى ما كلنا عارفين إن السياحة ساحت، راحت مطرح ما راحت. الشغل فى الفنادق والمطاعم والكامبات بعيدا عن كونه مش مضمون، وغالبا مش متاح (لإن الناس أصلا بـتمشى العمالة اللى عندهم علشان مش معاهم يدفعوا مرتبات ومفيش شغل)، فهو بـيـتطلب ساعات عمل مرهقة (حوالى ١٠-١٢ ساعة) ومرتباته فى المقابل هزيلة.
الأزمة التانية، إن كونى بنت وجاية أشتغل وأعيش فى سيناء لوحدى بـيحطنى فى وضع مش قد كده، بالتالى الحاجة لشغل "أمان" مع ناس "محترمة" قلل الفرص المتاحة (القليلة أصلا) للربع إن لم يكن أقل.
ساعتها افتكرت إنى دكتورة أسنان، ودا لإنى سبت الكارير ده من ييجي ٤ سنين فى عين العدو. ومن ساعتها ما فكرتش لحظة أرجعله تانى. إلا لما اكتشفت إنى ممكن أستلم تكليفى فى سيناء، ودى هتبقى الحاجة الوحيدة اللى بـتتوفر فيها كل المواصفات اللى بدور عليها، شغل مستقر، أمان، دخلة مناسب، وساعات عمل ممتازة، ومقبول اجتماعيا علشان يقفل باب الهرى فى نقطة:   "انتى بنت لوحدك؟ انتى جاية اشتغلى إيه؟"

"وجريت م الحارة على الشارع وإلخ إلخ"

بعدها بقت كل الأزمة فى ماسورة الورق المطلوب اللى ضربت فى وشى. واللى لازم تطلع من القاهرة وتعتمد فى الطور (العاصمة) وتروح دهب. واللى احتاجت تلات شهور من الدحرجة على الأسفلت رايح جى واللف على جميع المصالح الحكومية وزيارة جميع الأوليا، لحد ما استلمت تكليفى: فى دهب.

"هربت منيهم"

بالنسبة للحياة فى دهب فهى عظيمة. البلد هادية، وفاضية، وصغيرة. بالتالى أى مشوار بـياخد ٥-١٠ دقايق بالعربية يا مؤمن. أسعار السكن مذهلة الحقيقة، والناس فى العموم طيبين، ومتعاونين، وكلهم عارفين بعض. والهوبا الكبيرة بقى: بقالى هنا ٥ شهور أهو، ما اتعرضتش للتحرش ولا مرة. واالاااا مرة.
وأنا من موقعى هذا أحب أقول لكل شاب وكل فتاة، سيبوا القاهرة وروحوا اشتغلوا فى الأرياف. اللى معاة فلوس يبدأ بيزنس صغير بلاش يعمل كده فى القاهرة. اللى يقدر يظبط شغل أونلاين يعمل ده بعيد عن القاهرة. فى مدن كتير زى دهب ممكن الواحد يبدأ حياته فيها، بعيدا عن كل التحرش والرعب والزحمة والدوشة اللى فى القاهرة.


by

theglocal.


مرسلة بواسطة في هناك 7 تعليقات:

الاثنين، 16 مايو 2016

حبس صاحب إفيه "آخر نداء لطيارة الدوحة" عشان شعره طويل

حبس صاحب إفيه "آخر نداء لطيارة الدوحة" وأصدقاؤه يعلقون: علشان شعره طويل وقاعد على القهوة

الممثل محمد الصغيرالممثل محمد الصغير
تناقل العديد من مستخدمي موقع فيس بوك خبر الحكم بالحبس عامين للمثل محمد الصغير المعروف بصاحب إفيه "أخر نداء لطيارة الدوحة" بفيلم أكس لارج الذي يقوم ببطولته الفنان أحمد حلمي.

فكتب محمود فخري أحد أصدقاء محمد إبراهيم علي صفحته الشخصية بموقع التواصل الاجتماعي فيس بوك "عارفين فيلم اكس لارج؟؟، عارفين الإفيه اللى بتقولوه انتوا وصحابكوا بتا* أخر نداء لطيارة الدوحة ؟، اهه صاحب الإفيه ده أتحكم عليه امبارح بسنتين مع الشغل، صاحب الإفيه اللى كل ما بتشوفه بنضحك واخد سنتين يا جماعة !!، الفنان الجميل أبو قلب ابيض وأطيب خلق الله محكوم عليه بستين مع الشغل!! عمل إيه هو غير أن كل ذنبه كان قاعد على قهوة ومسكوه لمجرد إن شعره طويل !، ايه الظلم ده؟ ايه الفجر ده ؟؟،قلبى معاك يا صغير".



محمد الصغير صدر الحكم عليه في القضية رقم 6408 لسنة 2016 جنح قصر النيل، بالحبس سنتين ضمن 51 شاب الذي تم القبض عليهم يوم 25 أبريل الماضي، والذي تظاهروا فيه احتجاجًا على اتفاقية ترسيم الحدود بين مصر والسعودية والتي تقضي بتسليم جزيرتي تيران وصنافير للمملكة.

جدير بالذكر أن الفنان محمد الصغير هو صاحب أشهر برنامج مقالب على موقع يوتيوب بعنوان "غلاسة" وقد حقق ما يقرب من 4 مليون مشاهدة، حيث انتشر بسرعة البرق على صفحات التواصل الاجتماعي.

وشاب اخر ظهر في فيديو يسير بجوار عربه الشرطه وتم القبض عليه

الشاب  اتحكم عليه 2 سنين حبس و100 الف جنيه غرامه


مرسلة بواسطة في ليست هناك تعليقات:

الأحد، 15 مايو 2016

مُوازى: تغريدات تلخص احداث الاسبوع

مُوازى: تغريدات تلخص احداث الاسبوع: تغريدات تختصر لكم القضايا التي شغلت العالم العربي هذا الأسبوع جولة أسبوعية على تويتر يقوم بها فريق رصيف22. نختصر لكم أبرز الق...
مرسلة بواسطة في ليست هناك تعليقات:

تغريدات تلخص احداث الاسبوع

#22تغريدة تختصر لكم القضايا التي شغلت العالم العربي هذا الأسبوع
تغريدات تختصر لكم القضايا التي شغلت العالم العربي هذا الأسبوع
جولة أسبوعية على تويتر يقوم بها فريق رصيف22. نختصر لكم أبرز القضايا
التي حازت على اهتمام العالم العربي وشغلت الرأي العام، من القضايا الجدية، 
إلى المواقف الساخرة، والهفوات السياسية…

كوميديا السيسي تضاهي أبلة فاهيتا

تضامن عالمي مع أحمد ناجي

إستشهاد القيادي في حزب الله مصطفى بدر الدين

وأخيراً رئيس جمهورية لبناني... في البرازيل

بيروت مدينتي، فوز من نوع أخر

حفل خيري يجمع 11 مليون دولار للسوريين


مرسلة بواسطة في ليست هناك تعليقات:
الاشتراك في: الرسائل (Atom)